Iloilo City – Arestado sa PNP buy-bust operation ang dalawang high value individual sa Brgy. San Jose, Arevalo, Iloilo City nito lamang ika-9 ng Nobyembre 2022.
Kinilala ni Police Major Rommel Anicete, Hepe ng RPDEU 6, ang mga suspek na sina alyas “Bords”, High Value Individual, 36, residente ng Brgy. Ingore, Zone 5, Lapaz, Iloilo City at si alyas “Sam”, Top 6 Priority High Value Individual, 19.
Naaresto ang mga suspek sa pinagsanib na pwersa ng Regional Police Drug Enforcement Unit 6, Station Drug Enforcement Team ng Iloilo City Police Station 6 at sa koordinasyon ng Philippine Drug Enforcement Agency.
Ayon kay PMaj Anicete, nakumpiska sa mga suspek ang 22 piraso ng heat-sealed transparent plastic sachet kabilang ang buy-bust item at isang knot tied transparent plastic na parehong naglalaman ng hinihinalang shabu na may kabuuang timbang na 170 gramo na nagkakahalaga ng Php1,156,000.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Iloilo City PNP ay patuloy sa kampanya laban sa ilegal na droga at iba pang uri ng krimen upang mapanatili ang kaayusan sa kanilang nasasakupan.
