Naaresto ng mga tauhan ng Pasay City Police Station ang tinaguriang Top 6 at Top 7 Most Wanted Persons sa Station Level sa kasong pagnanakaw nito lamang Biyernes, Pebrero 14, 2025 sa Pasay City.
Ayon kay Southern Police District Director, Police Brigadier General Manuel Abrujena, nadakip ng mga operatiba ng Warrant and Subpoena Section (WSS) ng Pasay CPS ang Top 7 Most Wanted Person, na kinilalang si alyas “Ryan”, 22-anyos na lalaki sa kahabaan ng Tramo St., Barangay 57, Pasay City.
Ayon kay PBGen Abrujena, nahuli din ang Top 6 Most Wanted Person na kinilalang si alyas “John”, isang 29-anyos na lalaki, dakong 3:20 ng hapon sa kahabaan ng Manhattan St., Barangay 30, Pasay City, dahil din sa krimen na Robbery.
Naaresto ang dalawa sa bisa ng standing warrants na may piyansang Pho100,000 bawat isa.
Hinihikayat ang publiko na mag-ulat ng anumang impormasyon na maaaring humantong sa pagkakahuli sa mga natitirang suspek, habang ang SPD ay nagpapatuloy sa kanilang kampanyang “Isang Distrito, Isang Layunin” upang gawing mas ligtas ang Southern Metro para sa lahat.
Source: SPD PIO
Panulat ni PMSG Gargantos, RM
