Kalaboso ang dalawang drug suspek sa ikinasang buy-bust operation ng mga operatiba sa Barangay Salvacion, Ormoc City nito lamang ika-25 ng Marso 2025.
Kinilala ni Police Lieutenant Rechi B Selencio, Officer-In-Charge ng Ormoc City Drug Enforcement Unit, ang mga suspek na sina alyas “Binbin”, 43 anyos, High Value Individual na taga Barangay Dayahagan, Ormoc City at alyas “CJ”, 23 anyos, Street Level Individual na residente ng Barangay Juaton, Ormoc City.
Bandang 8:36 ng gabi nang ikasa ang operasyon ng mga tauhan ng Ormoc City Drug Enforcement Unit kasama ang Ormoc City Police Station 4- Station Drug Enforcement Team at Ormoc City Intelligence Unit sa koordinasyon sa Philippine Drug Enforcement Agency 8.
Narekober sa mga suspek ang apat (4) na pakete ng hinihalang shabu na may tinatayang timbang na 9.1 gramo na nagkakahalaga ng Php68,880, isang 500-peso bill kasama ang limang pirasong 1,000-peso bill na ginamit bilang buy-bust money at mga drug paraphernalia.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy na pinaiigting ng Pambansang Pulisya ang kanilang kampanya laban sa ilegal na droga at iba pang uri ng krimen upang matiyak ang kaligtasan at seguridad ng mamamayan, tungo sa mas ligtas at drug-free na lipunan.
Panulat ni Patrolwoman Ma. Elena B Singian
