Arestado ang dalawang suspek sa isinagawang buy-bust operation ng Panay Municipal Police Station sa Barangay Cogon, Panay, Capiz bandang alas-3:09 ng madaling araw noong ika-9 ng Marso 2024.
Ayon kay Police Lieutenant Aaron Dahryl N Villanueva, OIC ng Panay MPS, naisakatuparan ang operasyon kasama ang mga operatiba ng Capiz-Police Provincial Drug Enforcement Unit at Station Drug Enforcement Team ng Maayon MPS at Panitan MPS sa pakikipagtulungan ng Philippine Drug Enforcement Agency (PDEA) Regional Office 6.
Ayon pa kay PLt Villanueva, ang nasabing operasyon ay nagresulta sa matagumpay na pagkaaresto ng dalawang suspek matapos nilang magbenta sa isang pulis na nagpanggap na poseur buyer ng isang (1) piraso ng heat-sealed transparent plastic sachet na naglalaman ng pinaniniwalaang shabu sa halagang Php5,600.
Kinilala ang isa sa mga naaresto na isang 23 anyos na waiter at ang isa naman ay may edad 29 anyos, may asawa, college undergraduate, parehong naitalang Street Level Individual at kapwa residente ng Barangay Calapawan sa nasabing bayan.
Nakuha mula sa mga suspek ang dalawang (2) piraso ng heat-sealed transparent plastic sachets na naglalaman ng pinaghihinalaang shabu at isang (1) unit ng Motorsiklo Suzuki Smash na kulay itim.
Samantala, sa pagrekisa sa isa pang suspek ay nakuha sa kanyang posesyon ang limang (5) piraso ng heat-sealed transparent plastic sachets na naglalaman ng pinaghihinalaang shabu, ginamit na buy-bust money at ilang non-drug items.
Ang mga nakumpiskang droga ay may tinatayang timbang na 25 gramo at may Standard Drug Price na Php170,000.
Ang mga naarestong suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang Panay PNP sa kanilang adhikain na sugpuin ang paglaganap ng ilegal na droga sa kanilang nasasakupan para sa mas mapayapa at ligtas na komunidad para sa lahat.
Source: Panay Mps Pcas
Panulat ni Pat Charmaine Balunsat
