Walang takas sa mga kapulisan ang dalawang drug suspek sa isinagawang drug buy-bust operation ng Balasan Municipal Police Station sa Sitio Malbog, Barangay Tinguian, Balasan, Iloilo bandang alas 3:50 ng hapon nito lamang ika-9 ng Abril 2025.
Kinilala ni Police Captain Renzo A Martinez, hepe ng Balasan Municipal Police Station, ang mga suspek na sina alyas “Agoy,” 49-anyos, may asawa, may-ari ng isang sari-sari store, itinuturing na isang High Value Individual (HVI) at kabilang sa PDEA watchlist, at si alyas “Pompom,” 36-anyos, may asawa, empleyado ng Ceres Liner, isang bagong kilalang drug personality at parehong residente ng nasabing lugar.
Nakumpiska mula sa mga suspek ang anim na piraso ng mga heat-sealed transparent plastic sachet ng hinihinalang shabu, pati na ang buy-bust item, dalawang (2) cellphones at Php6,500 na buy-bust money.
Ang mga nakumpiskang iligal na droga ay may bigat na humigit kumulang 50 gramo at may tinatayang halaga na Php340,000.
Nahaharap ang mga suspek sa kasong paglabag sa Republic Act 9165 o ang “Comprehensive Dangerous Drugs Act of 2002”.
Patuloy ang PNP sa paggawa ng mga hakbang sa pagsugpo sa kalakalan ng iligal na droga upang masiguro ang kaligtasan at kaayusan sa komunidad.
Source: K5 News
Panulat ni Pat Juliebelle Alvior
