Timbog sa isang buy-bust operation na isinagawa ng mga operatiba ng Nueva Ecija PNP ang dalawang sangkot sa bentahan ng ilegal na droga sa Capt. Paulino Street, Purok 1, Barangay Aduas Sur, Cabanatuan City, Nueva Ecija nito lamang madaling araw ng Marso 18, 2025.
Kinilala ni Police Lieutenant Colonel Renato C Morales, Chief of Police ng Cabanatuan City Police Station, ang mga suspek na sina alyas “May”, 37 anyos at alyas “Daboy”, 42 anyos, tricycle driver, kapwa mga residente ng nasabing lugar.
Dakong 1:30 ng madaling araw, sa pangunguna ng mga tauhan ng Cabanatuan CPS at sa pakikipag-ugnayan sa PDEA, nagsagawa ng anti-illegal drugs operation ang mga awtoridad.
Narekober mula sa mga suspek ang limang heat-sealed sachet ng hinihinalang shabu na may timbang na umaabot sa 25.30 gramo at may Standard Drug Price na Php 172,040, buy-bust money, pitaka, at isang cellphone.
Nahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang mga suspek.
Patuloy na isinusulong ng Nueva Ecija PNP ang mga programa ng pamahalaan upang wakasan ang suliranin sa ilegal na droga, bilang bahagi ng layuning makamit ang kaunlaran at maisulong ang isang Bagong Pilipinas.
Panulat ni Pat Jilly A Peña
