Dalawang dating miyembro ng Timek Ken Namnama Dagiti Babassit a Mangngalap ti La Union (TIMEK), isang Underground Mass Organization (UGMO) ng Anakpawis sa Agoo, La Union, ang opisyal na nagbalik-loob sa pamahalaan nito lamang Nobyembre 20, 2024.
Sa ganap na 10:30 ng umaga, isinagawa ng 2nd La Union Provincial Mobile Force Company (LUPMFC), Agoo Municipal Police Station (MPS), Tactical Support Company ng Regional Mobile Force Battalion 1 (TSC-RMFB1), Regional Intelligence Unit 1 (RIU1), Regional Intelligence Division (RID), at La Union Provincial Intelligence Unit (LUPIU), katuwang ang mga opisyal ng Barangay San Manuel Norte, Agoo, La union, ang isang pinagsamang operasyon na nagresulta sa pagbabalik-loo sa pamahalaan ng dalawang dating miyembro ng TIMEK.
Ayon sa ulat, pinili ng mga indibidwal na itigil ang kanilang suporta sa TIMEK, na may kaugnayan sa CPP-NPA-NDF, upang mamuhay nang tahimik at malayo sa anumang koneksyon sa mga organisasyon. Ang kanilang desisyon ay nag-ugat sa kagustuhang magsimula ng panibagong buhay at makiisa sa mapayapang lipunan.
Matapos ang boluntaryong pagbabalik-loob, sumailalim ang mga ito sa custodial debriefing upang maiproseso nang maayos at matukoy ang kanilang mga susunod na hakbang para sa kanilang reintegrasyon sa komunidad.
Ang matagumpay na operasyon ay bunga ng koordinasyon sa pagitan ng Pambansang Pulisya at lokal na opisyal, na nagpapakita ng masiglang pagtutulungan para sa kapayapaan at kaayusan.
Source: 2nd La Union Provincial Mobile Force Company
Panulat ni PSSg Johndel L Supremo
