Arestado ang dalawang Chinese Nationals matapos makuhanan ng mga ilegal na baril at patalim ng mga tauhan ng Southern Police District sa isang gasolinahan sa kahabaan ng Roxas Boulevard, Barangay 76, Zone 10, Pasay City bandang 9:45 ng umaga nito lamang Huwebes, Nobyembre 28, 2024.
Kinilala ni Police Brigadier General Bernard R Yang, District Director ng SPD, na sina alyas “Tongyu”, 35 anyos, at alyas “Haoxin”, 36 anyos.
Nag-ugat ang pag-aresto sa ulat na natanggap ng mga tauhan ng mobile patrol ng Pasay City Police Sub-Station 10 tungkol sa tatlong dayuhan na nanutok ng baril sa reporter.
Nagbigay ng detalyadong paglalarawan ng mga suspek at ang kanilang lokasyon.
Narekober ng pulisya ang isang Super .38 caliber Llama pistol na may magasin na naglalaman ng 10 na bala mula sa itim na shoulder bag ni “Tongyu”, isang 9-inch na nakatiklop na kutsilyo ang nakuha mula sa pag-aari ni “Haoxin”.
Sasampahan ng pulisya si “Tongyu” dahil sa paglabag sa Republic Act 10591 o “Illegal Possession of Firearm and Ammunition”, habang si “Haoxin” naman ay dahil sa paglabag sa BP 6 o “Illegal Possession of Bladed Weapon”.
Hindi naman palalampasin ng SPD ang ganitong mga insidente at ipapataw sa mga nagkakasalang dayuhan ang kaukulang kaparusahan mula sa saligang batas ng Pilipinas.
Source: SPD PIO
Panulat ni PSSg Remelin M Gargantos
