Arestado ang dalawang binata makaraang mahulihan ng ilegal na droga sa isinagawang PNP Checkpoint sa Barangay Takepan, Pikit, SGA BARMM nito lamang Mayo 25, 2024.
Kinilala ni Police Major Arvin John B Cambang, Officer-In-Charge ng Pikit Municipal Police Station, ang mga nahuling suspek na sina alyas “Norhan”, 19 anyos, driver, studyante, residente ng Barangay Takepan, Pikit Cotabato; at si alyas “Rey”, 21, na residente naman ng Barangay Nalapaan Pikit, Cotabato.
Bandang 10:45 ng gabi nang nagsagawa ng Checkpoint Operation ang Pikit PNP sa Barangay Takepan nang kanilang parahin ang sinasakyang motorsiklo ng mga suspek at bigla itong humarurot para makaiwas sa checkpoint.
Agad namang naharang at isinailalim ang mga suspek sa Body Search na kung saan nakuha mula sa pag-iingat ni alyas Rey ang isang plastik na may lamang improvised tooter na pinaniniwalaang naglalaman ng ilegal na droga.
Mahaharap ang mga suspek sa kasong paglabag sa Article 151 ng Revised Penal Code (Resistance and disobedience to a person in authority or the agents of such person) at kasong may kaugnayan sa ilegal na droga.
Alinsunod sa direktiba ni Pangulong Ferdinand “Bongbong” R Marcos Jr., na pagpapalawig sa seguridad sa bansa ay tiniyak naman ni PMaj Cambang na patuloy ang kanilang hanay sa pagsasagawa ng mga patrol operation at checkpoint operations para sa mabilisang pagsugpo sa mga ilegal na aktibidad at mapanatiling mapayapa at ligtas ang Bagong Pilipinas
Panulat ni Pat Khnerwin Jay Medelin
