Nasabat mula sa tatlong suspek ang tinatayang Php340,000 halaga ng shabu sa isinagawang buy-bust operation sa Zone 3, Barangay Talabaan, Zamboanga City nito lamang ika-15 ng Pebrero 2024.
Kinilala ni Police Captain Jovanie G Julian, Hepe ng Zamboaga City Police Station 4, ang mga naarestong suspek na sina alyas “Al-al “, 22; alyas “jef”, 32; at si alyas “Jen”, 24, na mga kapwa tinaguriang mga High Value Individual at residente ng Barangay San Jose, Zamboanga City.
Ayon kay PCpt Julian, naaresto ang mga suspek sa pinagsanib pwersa ng mga tauhan ng Zamboanga City Police Station 4, Philippine Drug Enforcement Agency at Naval Intelligence and Security Group Western Mindanao.
Nakuha mula sa mga suspek ang isang pirasong transparent plastic sachet, na pawang naglalaman ng hinihinalang shabu na may bigat na humigit kumulang 50 na gramo na may standard drug price na Php340,000; Php1000 marked money; 60 pirasong Php1,000 na boodle money; isang yunit na black honda wigo; at iba pang non–drug evidence.
Kasong paglabag sa Republic Act 9165 o Comprehensive Dangerous Drugs Act of 2002 ang kakaharapin ng mga suspek.
Ang laban kontra ilegal na droga ay lalong pinaigting ng kapulisan ng Police Regional Office 9 alinsunod sa direktiba ng Pangulong Ferdinand R Marcos Jr. tungo sa ligtas at mapayapang komunidad tungo sa Bagong Pilipinas.
Panulat ni Patrolwoman Charlyn Rose B Gumangan
