Cagayan de Oro City – Muling nagsagawa ng Cybercrime Lecture o Consumerism Forum ang Regional Anti-Cybercrime Unit 10 katuwang ang Department of Trade and Industry 10 sa mga Barangay Officials at estudyante ng Xavier University na ginanap sa Covered Court, Barangay Tablon, Cagayan de Oro City nito lamang Mayo 10, 2023.
Ang naturang lecture ay pinangunahan ni Patrolwoman Jasmine Ali ng Regional Anti-Cybercrime Unit 10 sa ilalim ng pamumuno ni Police Lieutenant Colonel Lemuel Gonda, Acting Chief ng RACU 10.
Matagumpay na naisagawa ang Cybercrime Awareness Lecture dahil sa pagsisikap at inisyatibo ng Department of Trade and Industry 10 para mabigyan ng kamalayan ang mga partisipante pagdating sa Cyber Space na makatutulong sa ating mga kababayan.
Ang PNP Anti-Cybercrime Group ay patuloy na magsasagawa ng ganitong uri ng mga aktibidad kasama ang iba pang ahensya ng pamahalaan na may layuning magserbisyo na may pagkakaisa para sa pagpapanatili ng kapayapaan at kaunlaran ng komunidad.
Panulat ni Patrolman Joshua Fajardo/RPCADU10
