Rizal, Occidental Mindoro – Natuklasan ng kapulisan ng Rizal Municipal Police Station ang mga kagamitan ng CTG at pagbawi ng Improvised Explosive Device Components sa Sitio Danupa, Barangay Pitogo, Rizal, Occidental Mindoro nito lamang ika-24 ng Oktubre 2022.
Ayon kay Police Major Relly Delas Alas, Acting Chief of Police ng Rizal MPS narekober ang kagamitan ng CTG bandang 1:00 PM sa isinagawang Counterinsurgency Operation sa pinagsanib na puwersa ng mga tauhan ng PIT Occidental Mindoro, Regional Intelligence Unit MIMAROPA, 102nd Special Action Company, 10th Special Action Battalion , PNP Special Action Force, Intel Operatives ng Rizal MPS, Occidental Mindoro Criminal Investigation and Detection Group, Provincial Forensic Unit, 3rd MP Occidental Mindoro Provincial Mobile Force Company, 405th Maneuver Coy Regional Mobile Force Battalion at Provincial Intelligence Unit Occidental Mindoro Police Provincial Office.
Ayon pa kay PMaj Delas Alas, narekober ang mga kagamitan ng CTG tulad ng anim na IED, 12 pirasong M16 na bala, apat na M14 na bala, pitong rechargeable na baterya, isang power bank at flashlight, sari-saring gamot at bitamina, mga kable ng kuryente, sari-saring pako, mga gamit sa kusina, at mga aparador.
Nasa kustodiya na ng Rizal MPS Occidental Mindoro Police Provincial Office ang nasabing mga nakuhang gamit para sa kaukulang disposisyon.
Samantala, patuloy na magsasagawa ng Counterinsurgency Operation ang ating mga kapulisan sa kabundukan at kapatagan upang mapangalagaan ang kaligtasan ng ating mga mamamayan.
Source: Rizal MPS
Panulat ni Patrolman Erwin Calaus
