Boluntaryong nagbalik-loob sa pamahalaan ang isang supporter ng Communist Terrorist Group (CTG) sa mga tauhan ng Kabasalan Municipal Police Station sa Barangay Tampilisan, Kabasalan, Zamboanga Sibugay nito lamang ika-15 ng Enero 2025.
Kinilala ni Police Lieutenant Colonel Flint S Depnag, Provincial Director ng Zamboaga Sibugay Police Provincial Office, ang sumuko na si alyas “Biboy”, 17 anyos, lalaki at residente ng naturang lugar.
Ang sumuko ay dating supporter ng CTG Supporter ng MRGU sa ilalim ng Guerilla Section Committee (SECOM Feliciano “B”) at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad naman itong nakatanggap ng isang sakong bigas.
Sa ilalim ng programa ni Pangulong Ferdinand Marcos Jr., na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTG na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
