Boluntaryong nagbalik-loob sa pamahalaan ang isang tagasuporta ng Communist Terrorist Group na Anak Pawis sa mga kapulisan ng Pamplona Police Station sa Pamplona, Cagayan nito lamang Sabado, ika-17 ng Agosto 2024.
Kinilala ni Police Major Lllewilyn D Guzman, hepe ng Pamplona Police Station, ang sumuko na si alyas “Senyang” at residente ng Pamplona, Cagayan.
Si alyas “Senyang” ay dating tagasuporta ng Anak Pawis at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Ang matagumpay na pagbabalik-loob nito ay sa pagsisikap ng mga kapulisan ng Pamplona PNP katuwang ang 2nd Cagayan Provincial Mobile Force Company at Provincial Intelligence Team para pababain at hikayatin ang mga kababayang nalihis ng landas.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng Communist Terrorist Group na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Source: Pamplona Ps
