Pagkatapos ng sunod-sunod na negosasyon, nakumbinse at bulontaryong sumuko ang isang NPA na si Ka Elias, 55 anyos, sa 2nd Eastern Samar Provincial Mobile Force Company sa pangunguna PLtCol Rolando C. Dellezo, Acting Force Commander noong Nobyembre 22, 2021.
Kasama sa negosasyon ang Advocacy Support Group at Bravo Company 63rd Infantry Battalion, Philippine Army.
Si Ka Elias ay taga-gawa ng bomba at miyembro ng Squad 1 Apoy Platoon Fc Serc Sesame sa ilalim ng Gavino Guarino @ Mael/Suyo, na nag-operate sa Lawaan-Borongan City at mga kalapit na lugar ng Eastern Samar.
Kasama ring isinuko ang isang (1) kalibre .38 revolver, limang (5) bala, dalawang (2) improvised explosive anti-personal landmines, 16 na calibre 5.56 live ammunitions at isang (1) cassette tape.
Sa panayam sa dating rebelde, nagdesisyon siyang sumuko dahil sa kagustuhan niyang makasama ang kanyang mahal na pamilya nang mapayapa sa panahon ng kapaskuhan.
Ako ay umaasa na sana ang mga natitirang mga miyembro ng Communist Terrorist Group (CTG) ay makinig at tanggapin ang mga programa at serbisyo ng gobyerno para sa ikabubuti ng kinabukasan ng kanilang mga pamilya, ani PLtCol Dellezo.
Pinapurihan naman ni PBGen Rommel Bernardo A. Cabagnot, Regional Director ng PRO8 ang opisinang nanguna sa matagumpay na operasyon. “Magandang balita ito, lalo na’t kakaengkwetro lang natin sa mga CTG sa Northern Samar. Kahit papano, itong rebelde ay gustong sumuko para magbagong buhay. Hindi tayo hihinto hanggang malaman nila kung gaano kasinsero ang ating gobyerno” sambit ni RD Cabagnot.
Dagdag pa ni PBGen Cabagnot na dapat ang lahat ng field units at mobile force companies ay lalo pang paigtingin at palakasin ang kampanya laban sa insurhensiya.
####
Panulat ni: Police Senior Master Sergeant Reynaldo D Pangatungan
good job pnp