Sumuko ang isng miyembro ng Communist Terrorist Group (CTG) sa mga awtoridad sa Sitio Badak, Brgy. Kimatu, Tboli, South Cotabato nito lamang Lunes, Enero 22, 2024.
Kinilala ni Police Brigadier General Jimili Macaraeg, Regional Director ng Police Regional Office 12, ang sumuko na si alyas “Jun-Jun”, 39, dating kasapi ng Primera Platoon, Guerilla Front MUSA ng Far South Mindanao Region.
Napasuko ang naturang CTG dahil sa patuloy na negosasyon ng South Cotabato Police Provincial Office, Regional Intelligence Unit 12, Tboli Municipal Police Station at 2nd South Cotabato Provincial Mobile Force Company.
Napag-alaman na isinuko rin nito ang isang yunit ng shotgun na may kasamang magazine at isang Rifle Grenade.
Samantala, siniguro naman ni PBGen Macaraeg na makakatanggap ng kaukulang tulong ang sumukong CTG mula sa pamahalaan sa pamamagitan ng programang Enhanced Comprehensive Local Integration Program o E-CLIP.
Panulat ni Patrowoman Flora Mae Asarez
