South Cotabato – Sumuko sa mga alagad ng batas ang isang miyembro ng Communist Terrorist Group (CTG) sa Purok 6, Brgy. Maltana, Tampakan, South Cotabato noong ika-3 ng Agosto 2022.
Kinilala ni PCol Jomar Alexis Yap, Force Commander ng Regional Mobile Force Battalion 12 (RMFB12), ang sumuko na si alyas “Janjan”, 25, walang asawa, at residente ng Sitio Salaabon, Brgy. Lamfugon, Lake Sebu, South Cotabato at dating miyembro ng Guerilla Front 73-MUSA ng Far Southern Mindanao Region, NPA.
Ayon kay PCol Yap, napasuko ang Former Rebel (FR) bilang resulta ng isinagawang Comprehensive Information Operation ng PNP kaugnay sa Major ISO OPLAN “NEBULA” at E.O. 70 series of 2018 (NTF-ELCAC), Campaign Plan “Kapanatagan”, sa pangunguna ng RMFB12, T’boli Municipal Police Station, 42nd SAC 4th SAB ng PNP-SAF (Special Action Force) at 1205th Maneuver Company.
Dagdag pa ni PCol Yap, isinuko rin ng FR ang inisyu sa kanyang baril na isang Homemade bolt action Shotgun na may kasamang isang magazine.
Kasalukuyan namang nasa kustodiya na ng 1205th MC ang naturang FR at baril nito para sa kaukulang dokumentasyon.
“Walang titigil sa pagsasagawa ng ganitong uri ng mga operasyon hanggang ang lahat ng miyembro ng Local Terrorists Group ay kusang magbalik-loob sa ating gobyerno.” ani PCol Yap sa matagumpay na pagsasagawa ng OPLAN “NEBULA”.
###
Panulat ni Patrolman Khnerwin Jay A Medelin
