Sarangani – Tuluyan nang sumuko ang isang miyembro ng Communist Terrorist Group (CTG) sa Barangay Zion, Maitum, Sarangani Province nito lamang Setyembre 6, 2023.
Naging posible ang pagsuko ng sumukong CTG na kinilalang si alyas “Yoyo” sa tulong ng mga tauhan ng Maitum Municipal Police Station, Sarangani Police Provincial Office, RMFB 12, Regional Intelligence Division 12, Bravo Coy 38th Infantry Battalion, Philippine Army at MAPIO SCMSO.
Si alyas “Yoyo” ay dating miyembro mula sa grupo ng West Musa Guerilla Front 73 Far South Mindanao Region.
Kasabay ng pagsuko ng isang 12-gauge homemade shotgun, isang improvised AK ingram na may kasamang magazine at 10 bala.
Pormal ding iprinisinta ang Former Rebel (FR) sa Lokal na Pamahalaan ng Maitum, Sarangani na kung saan agad na nakatanggap ng paunang tulong mula kay Mayor Alexander Bryan Reganit.
Umaasa si Police Brigadier General Jimili Macaraeg, Regional Director ng PRO 12 na tutularan ng natitirang miyembro ng CTGs si alyas “Yoyo” na sumuko para sa kapayapaan, kaunlaran at katahimikan ng komunidad.
Panulat ni Patrolman Khnerwin Jay A Medelin
