Occidental Mindoro – Sumuko ang isang dating miyembro ng Communist Terrorist Group (CTG) sa PNP Regional Mobile Force Battalion MIMAROPA (RMFB 4B) sa Occidental Mindoro, Abril 20, 2022.
Kinilala ni Police Colonel Ronaldo Lampad RMFB 4B Commander ang sumuko na si “Ka Ging”, 36, tubong Barangay Poblacion, Abra de Ilog, Occidental Mindoro.
Si “Ka Ging” ay sumuko sa 402nd Maneuver Company sa pangunguna ni PCpt John Aldrin Alojado matapos ang ilang buwang negosasyon sa naturang lugar.
Ayon kay PCol Lampad, si “Ka Ging”ay dating miyembro ng Kilusang Larangang Gerilya (KLG) North, Sub-Regional Military Area-4E, Southern Tagalog Regional Party Committee.
Si “Ka Ging” ay naging miyembro ng grupo noong 2006 sa pamamagitan ng panlilinlang at manipulasyon sa kanya ng mga recruiter sa nasabing lugar.
Dagdag pa ni PCol Lampad na ang dating CTG ay nasa kustodiya na ngayon ng RMFB 4B para sa debriefing bago siya ma-enroll sa Enhanced Comprehensive Local Integration Program (E-CLIP).
Samantala, hinihikayat ng PNP ang mga kabilang pa sa makakaliwang grupo na tuldukan ang problema ng insurhensiya sa pamamagitan ng pagbabalik-loob sa pamahalaan para magkaroon ng mapayapa at maayos na pamumuhay sa piling ng kanilang pamilya.
Source – RapioMimaropa
###
Panulat ni Patrolman Joebet Balana
