Kusang sumuko ang isang miyembro ng Communist Terrorist Group (CTG) sa tanggapan ng 1st Apayao Provincial Mobile Force Company, sa Camp Gov. Elias Bulut Sr., Santa Lina, Luna, Apayao nito lamang ika-13 ng Disyembre 2023.
Kinilala ni Police Colonel Jefferson Cariaga, Provincial Director, Apayao Police Provincial Office, ang sumuko si alyas “Sakbay”, 57, magsasaka, residente ng Pudtol, Apayao, at miyembro ng West Front Committee KOMPROB Cagayan, KR-CV sa ilalim ng command ni Edgar Baustista Simoy.
Ayon kay PCol. Cariaga, isiniwalat ni alyas Sakbay ang kinaroroonan ng mg explosive cache ng CTG na nakatago sa Sitio Agura, Malibang, Pudtol, Apayao.
Agad namang nagsagawa ng operasyon ang pinagsamang mga operatiba ng 1st Apayao PMFC, Provincial Intelligence Unit, Regional Intelligence Division – Cordillera, 1505th Maneuver Company, Regional Mobile Force Battalion 15, Pudtol Municipal Police Station at Apayao Provincial Explosive and Canine Unit upang beripikahin ang nasabing impormasyon.
Nagresulta ang operasyon sa pagkadiskubre ng mga kagamitang pampasabog ng CTGs gaya ng isang Fuse Time, Commercial- 226 ft, dalawang pirasong Granada, rifle, M76, (High Explosive), isang pirasong – Granada, rifle, M76, (HE) na walang fin, isang 60 mm Cartridge, (HE), tatlong pirasong – Handheld Radio (Baofeng), at dalawang pirasong – Radio charger.
Samantala, muling nanawagan si PCol Cariaga sa mga nalalabing miyembro ng CTGs na kusang-loob na sumuko sa pamahalaan upang malayang makapiling ang kanilang pamilya at mahal sa buhay ngayong kapaskuhan.
