Samar – Boluntaryong sumuko ang isang miyembro ng Communist Terrorist Group sa mga tauhan ng Samar PNP sa Brgy. Sto Nino, Gandara, Samar nitong Martes, Noyembre 30, 2022.
Kinilala ni Police Lieutenant Colonel Raad Lapura, Officer-In-Charge ng Regional Intelligence Unit 8, ang sumuko na si alyas “Aba”, 22, self-employed at residente ng Gandara, Samar.
Ayon kay PLtCol Lapura, kabilang ang sumuko sa Squad 1 SYP Platoon PALAWAN, Central Front Samar 1, SRC Browser ng Eastern Visayas Regional Party Committee.
Ayon pa kay PLtCol Lapura, sa pinaigting na Anti-Insurgency Campaign at Intel driven operations ng Provincial Intelligence Team ng Samar PPO katuwang ang Gandara Municipal Police Station at mga Intel Operatives ay matagumpay na nakumbinsi ito na sumuko at magbalik-loob sa ating pamahalaan.
Ang kanyang pagsuko ay isang malinaw na pagpapakita sa bisa ng “Whole of the Nation Approach to End Insurgency” sa ilalim ng EO 70 na nagpapatibay sa NTF-ELCAC gayundin sa walang humpay na pagsisikap ng ating mga kapulisan.
Samantala, ang nasabing mga surrenderee ay nasa ilalim ng pansamantalang proteksyon ng Gandara MPS, habang inihahanda ang mga kinakailangang dokumento para sa Enhanced Comprehensive Local Integration Programs at presentasyon sa Local Government Unit ng Gandara, Samar.
Ang Pambansang Pulisya ay patuloy sa pagpapaigting ng pangangampanya laban sa insurhensiya at terorismo tungo sa kapayapaan at kaunlaran ng ating bayan.
