Boluntaryong nagbalik-loob sa pamahalaan ang isang supporter ng Communist Terrorist Group (CTG) sa mga tauhan otoridad sa Brgy. Nasibac, Leon B. Postigo, Zamboanga del Norte nito lamang ika-18 ng Enero 2025.
Kinilala ni Police Colonel Rainier P Diaz, Provincial Director ng Zamboanga del Norte Police Provincial Office, ang sumuko na si alyas “Cocoy”, 38 anyos, lalaki, isang Red Fighter at residente ng naturang lugar.
Ang sumuko ay dating supporter ng CTG Supporter ng GF MRGU-WMRPC at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Kasabay ng pagbalik-loob nito ay boluntaryong isinurrender ang isang Garand Rifle at isang KG9 Machine Pistol.
Agad naman itong nakatanggap ng pinansyal na tulong na nagkakahalaga ng Php20,000 at ng isang sakong bigas galing sa Provincial Government of Zamboanga del Norte.
Naging matagumpay ang pagsuko dahil sa pagsisikap ng Zamboanga del Norte Provincial Intelligence Unit katuwang ang Leon Postigo Municipal Police Station, ZNPIT-RIU9, 901st RMFB9, 1st ZNPMFC, 2nd ZNPMFC at Zamboanga del Norte Maritime Police Station.
Sa ilalim ng programa ni Pangulong Ferdinand Marcos Jr., na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTGs na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
