Boluntaryong nagbalik-loob sa pamahalaan ang isang miyembro ng Communist Terrorist Group (CTG) sa Purok Meliton Barangay Poblacion San Miguel, Zamboanga del Sur nito lamang ika-2 ng Enero 2025.
Kinilala ni Police Major Marlon C Manga-Nay, Officer-In-Charge ng 2nd Zamboanga del Sur Provincial Mobile Force Company, ang sumuko na si alyas “Jino”, 27 anyos, lalaki at residente ng Purok 1 Barangay Concepcion San Miguel, Zamboanga del Sur.
Ang sumuko ay dating miyembro ng Hingpit Nga Organisadong Masa/Revolutionary Committee HOM/BRC sa ilalim ng Guerilla Front KARA at miyembro din ng Salabukan G’taw Subanen isang CTG Affected Mass (CAMO) ng Indigenous People sa ilalim ng UGMO Revolutionary Organization ng Lumad Regional Urban Committee, WMPRC.
Ang matagumpay na pagbabalik-loob ay dahil sa pagsisikap ng mga tauhan ng 2nd Zamboanga del Sur Provincial Mobile Force Company katuwang ang San Miguel Municipal Police Station, San Pablo MPS, Dinas MPS, Dimataling MPS, ZSPIU, RID9, ZSPIT RIU 9 at 902nd MC RMFB9.
Sa ilalim ng programa ni Pangulong Ferdinand Marcos Jr., na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTGs na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
