Nueva Ecija – Boluntaryong nagbalik-loob sa Nueva Ecija PNP ang isang dating miyembro ng komunistang terorista sa Barangay San Juan, San Jose City, Nueva Ecija nito lamang Lunes, ika-14 ng Agosto 2023.
Ang naturang pagbabalik-loob na pinamunuan ni Police Colonel Richard Caballero, Provincial Director ng Nueva Ecija Police Provincial Office.
Kinilala ang sumuko na si alyas “Ka Sonny”, dating miyembro ng Underground Mass Movement ng Liga ng Manggagawang Bukid.
Kasabay ng kanyang pagsuko ay ang pagturn-over ng isang caliber 38 revolver at dalawang bala.
Samantala, nagbigay din ng tulong ang Nueva Ecija PNP sa pamamagitan ng grocery packs at inihahanda ang mga kaukulang dokumento para sa Enhanced Comprehensive Local Integration Program o E-CLIP na naglalayong tulungan ang ating mga kababayan na kasapi sa CPP-NPA-NDF o Communist Party of the Philippines-New People’s Army-National Democratic Front na nais magbalik-loob sa pamahalaan upang makasama ang kanilang mga mahal sa buhay.
Ito ay bunga ng pagsisikap ng Nueva Ecija PNP upang hikayatin ang ating mga mamamayan at ibahagi sa kanila ang mga iba’t ibang programa ng ating pamahalaan.
Source: Nueva Ecija Police Provincial Office
Panulat ni PCpl Jeselle V Rivera
