Arestado ng mga awtoridad ang isang miyembro ng Communist Terrorist Group na tinaguriang Top 3 Municipal Most Wanted Person na may kasong Attempted Murder matapos mahuli sa Barangay Opong, Catubig, Northern Samar nito lamang ika-25 ng Marso 2025.
Kinilala ni Police Lieutenant Colonel Edwin M Oloan Jr., Force Commander ng 2nd Samar Provincial Mobile Force Company, ang suspek na si alyas “Adi”, 29 anyos, magsasaka na residente ng Barangay Paco, Las Navas, Northern Samar.
Bandang 11:00 ng umaga nang maaresto ang suspek ng mga tauhan ng 2nd Northern Samar Provincial Mobile Force Company kasama ang 803rd Maneuver Company, Regional Mobile Force Battalion 8, Catubig Municipal Police Station at 19th Infantry Battalion, Philippine Army sa bisa ng Warrant of Arrest para sa kasong Attempted Murder na may inirekomendang piyansa na Php120,000 para sa pansamantalang kalayaan.
Ang operasyon ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas at mapanatiling ligtas ang komunidad tungo sa Bagong Pilipinas.
Panulat ni Patrolwoman Ma. Elena B Singian
