Nasawi ang Top 2 Regional Most Wanted Person na miyembro ng Communist Terrorist Group sa engkwentro sa pagitan ng mga miyembro ng gobyerno na binubuo ng mga tauhan ng Bohol Police Provincial Office, RMFB 7, PA, PAF, Philippine Navy, at PCG bandang alas 4 ng umaga nitong Enero 16, 2024 sa Brgy. Liboron, Catigbian, Bohol.
Kinilala ni Police Colonel Lorenzo Batuan, Provincial Director, ang suspek na si alyas Billy/Belly/Chubs, residente ng Brgy. Bosongon, Tubigon, Bohol at PSR listed na kinikilalang Political Guide ng mga natirang bahagi ng Bohol Party Committee-Dismantled at dating Squad Leader ng Squad 1 (Abe) ng Sandatahang Yunit Propaganda (SYP) Pltn, BPC.
Ang nasabing operasyon ay isinagawa sa bisa ng Warrant of Arrest para sa kasong Murder at 6 Counts of Attempted Murder; 7 Counts of Attempted Homicide; at 4 Counts para sa Attempted Murder.
Base sa inisyal na imbestigasyon, naunang nagpaputok ang suspek na nagtulak sa mga operatiba na gumanti ng putok na nauwi sa pagkasugat ng suspek at kalaunan ay nasawi rin ito.
Narekober mula sa suspek ang (1) unit cal.45 pistol; 19 na live ammunition; magazine pouch at pistol belt, sling bag na naglalaman ng (1) unit ng hand grenade; at (1) bag na naglalaman ng detonating cord, subversive documents, at kanyang mga personal na gamit.
Patuloy ang ginagawang operasyon ng mga awtoridad sa pagsugpo ng terorismo para sa kapayapaan at kaayusan ng ating bansa.
Panulat ni Pat Vherlene Marie M Macalino
