Eastern Samar – Arestado ng Eastern Samar PNP ang isang miyembro ng Communist Terrorist Group (CTG) na may kasong Attempted Murder sa Sitio Casapa, Barangay Denigpian, Dolores, Eastern Samar nito lamang ika-24 ng Agosto 2022.
Kinilala ni Police Lieutenant Colonel Joy G Leanza, Force Commander ng 1st Eastern Samar Provincial Mobile Force ang naaresto na si Beni Lapesora alyas “Ka-Budo/Lulo”, 40, magsasaka, residente ng Barangay Denigpian, Dolores, Eastern Samar at miyembro ng Communist Terrorist Group.
Si alyas “Ka-Budo/Lulo” ay isang non PSR Listed Defense Officer ng isang CTG Pseudo Government sa ilalim ng Front-3, Sub-Regional Committee, ARCTIC, Eastern Visayas Regional Party Committee.
Ayon kay PLtCol Leanza, bandang 10:00 ng gabi naaresto si Lapesora ng Intel Operatives ng 1st Eastern Samar Provincial Mobile Force Company at Dolores Municipal Police Station sa ilalim ng direktang pangangasiwa ni Police Major Aldwin A Ballete, Chief of Police.
Ayon pa kay PLtCol Leanza, naaresto si Ka-Budol sa bisa ng Warrant of Arrest sa kasong Attempted Murder na may nirekomendang piyansa na Php120,000.
Ang iba’t ibang ahensya ng gobyerno ay patuloy sa pakikipagtulungan sa mamamayan upang mahuli ang mga taong may pananagutan sa batas at makamtan ang tunay na kapayapaan ng ating pamayanan.
###
Panulat ni Patrolwoman Rialyn B Valdez
