Boluntaryong nagbalik-loob ang isang miyembro ng Communist Terrorist Group sa pamunuan ng Tarlac PNP sa Brgy. Moriones San Jose, Tarlac nito lamang Lunes, ika-15 ng Enero 2024.
Kinilala ni Police Liutenant Colonel Ronald Cayago Force Commander, Tarlac 1st Provincial Mobile Force Company, ang nagbalik-loob na si alyas “Ka- Boy”, 68, may asawa, magsasaka at dating miyembro ng Kilusang Larangan Guerilla Tarlac Zambales na nag-ooperate sa naturang probinsya.
Napag-alaman na isinuko rin nito ang isang homemade shotgun na walang serial number, isang 40mm High Explosive at isang Detonating Cord sa mga awtoridad.
Sinisiguro ng Tarlac PNP na patuloy ang kanilang kampanya laban sa insurhensiya at terorismo upang tuluyan nang makamit ang kapayapaan sa ating bansa.
Source: Tarlac 1st PMFC
Panulat ni Patrolwoman Maria Ella D Garcia
