Boluntaryong sumuko sa pamahalaan ang isang miyembro ng Communist Terrorist Group (CTG) sa Tabuk City, Kalinga nito lamang ika-9 ng Disyembre 2024.
Kinilala ni Police Colonel Gilbert Fati-ig, Provincial Director ng Kalinga Police Provincial Office, ang sumuko na isang 62 anyos, dating Squad Leader ng Squad Uno sa ilalim ng Northern Luzon Commission (NLC), Komiteng Distrito 2, nakalista sa Order of Battle CY 1987 at kalahok sa mga armadong pakikibaka ng NPA mula 1979 hanggang 1987.
Dagdag pa ni PCol Fati-ig, matagumpay na pagbabalik-loob ng sumuko dahil sa pagsisikap ng Pulisya sa pangunguna ng Provincial Intelligence Unit ng Kalinga PPO katuwang ang ibang ahensya ng PRO-CAR at Philippine Army.
Ito din ay bunga ng pagsisikap ng Gobyerno sa pagpapaigting sa National Task Force to End Local Communist Armed Conflict (NTF-ELCAC) sa ilalim ng Executive order 70 ng gobyerno na nagbibigay ng reintegration benefits sa mga dating rebelde na naging biktima ng kasinungalingan at panlilinlang ng Communist Terrorist Group (CTG).
Patuloy ang panawagan ng pamahalaan na magbalik-loob ang iba pang miyembro ng CTG upang muling mamuhay nang payapa at makasama ang kanilang pamilya ngayong nalalapit na pasko.
Panulat ni Pat Jomalyn Cacanindin
