Nueva Ecija – Nagbalik-loob sa Nueva Ecija PNP ang isang lalaki na dating miyembro ng komunistang grupo sa San Jose City, Nueva Ecija nito lamang Biyernes, ika-19 ng Mayo 2023.
Ang naturang pagbabalik-loob ay sa ilalim ng pamumuno ni Police Colonel Richard Caballero, Provincial Director ng Nueva Ecija Police Provincial Office.
Kinilala ang sumuko si alyas “Ka Leo”, 65, magsasaka at residente ng Barangay Flores, Lupao, Nueva Ecija.
Isinuko ni “Ka Leo”, ang isang calibre 38 revolver at dalawang bala.
Patuloy ang Nueva Ecija PNP sa panghihikayat sa mga natitira pang miyembro ng makakaliwang grupo na magbalik-loob sa gobyerno tungo sa tunay na pagkakaisa na daan sa pagkamit ng kapayapaan sa ating inang bayan.
Source: Nueva Ecija Police Provincial Office
Panulat ni Police Corporal Jeselle Rivera/RPCADU3
