Agusan del Norte – Boluntaryong sumuko ang isang miyembro ng Communist Terrorist Group sa mga tauhan ng Nasipit Municipal Police Station, Agusan del Norte nito lamang Lunes, Mayo 22, 2023.
Kinilala ni Police Captain Fritzcel Cubillan, Chief of Police ng Nasipit MPS, ang boluntaryong sumuko na si alyas “Kardo”, 28, isang full-time member ng Platoon Diego, Sangguniang Yunit Pampropaganda, Guerilla Front 4A, Northeastern Mindanao Regional Committee na pinamumunuan ni Jelan Pinakilid alyas “Baking”.
Ayon kay PCpt Cubillan, bandang 11:00 ng umaga nang boluntaryong sumuko si alyas “Kardo” kung saan isinuko rin nito ang isang yunit ng caliber .45 colt model OF1911 U.S.A. Army na baril na may isang magazine at anim na live ammunition.
Nanawagan naman si alyas “Kardo” sa kanyang mga dating kasamahan na iwan na ang komunistang grupo na walang pinaranas kundi kahirapan, walang tulog at gutom mula sa kilusan.
Samantala, siniguro naman ng Nasipit PNP na makakatanggap ng kaukulang tulong ang naturang dating CTG member mula sa pamahalaan sa pamamagitan ng programang Enhanced Comprehensive Local Integration Program o (E-CLIP).
Panulat ni Patrolman Jhunel D Cadapan RPCADU 13
