Kusang sumuko ang isang miyembro ng Communist Terrorist Group sa himpilan ng San Fernando Municipal Police Station sa Barangay Bayanihan, San Fernando, Masbate.
Kinilala ni PCpt Diaree J Maribuhoc, Acting Chief of Police, ang sumuko na isang 37 anyos na lalaki, may asawa, isang magsasaka at miyembro ng Militia ng Bayan SQD 3, PLTN1, KLG NORTH, SRC4 sa ilalim ng pamumuno ni Mario Esparraguera a.k.a. “Ka Mayong” na nag-operate sa lalawigan ng Masbate.
Sa kasalukuyan ay nasa kustodiya na ng San Fernando MPS ang sumukong CTG member para sumailalim sa isang masusing proseso ng debriefing upang masuri ang kanyang pagkakasangkot sa Communist Terrorist Group (CTG).
Samantala, isasailalim din sya sa proseso ng pag-enroll sa Enhanced Comprehensive Local Integration Program (E-CLIP). Kabilang dito ang pagkakaroon ng cash incentives, educational assistance at paglahok sa mga livelihood programs na magamit niya sa pagbabagong buhay.
Ang PNP Bicol ay patuloy na nanawagan sa ating mga kababayan na nalihis ng landas dahil sa impluwensya ng maling ideolohiya na magbalik-loob sa gobyerno upang mamuhay ng maayos at mapayapa kasama ang kanilang pamilya.
Panulat ni PCpl Angeli Torrecampo
