Quezon – Arestado ang pinuno ng Communist Terrorist Group (CTG) at Top 1 Most Wanted Person ng CALABARZON sa kasong Attempted Murder sa ikinasang joint operation ng PNP at AFP sa Brgy. Anoling, General Nakar, Quezon nito lamang ika-25 ng Enero 2023.
Kinilala ni Police Brigadier General Jose Melencio Nartatez Jr., Regional Director ng Police Regional Office 4A, ang suspek na si alyas “Avellano/Nelson/Too”, squad leader ng Platoon 2 (YGM) at Platoon Leader ng LYG, Guerilla Front Narciso, SRMA-4A, STRPC.
Ayon pa kay RD Nartatez, bandang 4:00 ng hapon naaresto ang suspek ng mga tauhan ng Regional Mobile Force Battalion 4A, Regional Intelligence Division 4A-Regional Intelligence Team Quezon, Regional Intelligence Unit 4A, Provincial Intelligence Unit Quezon 1st District, General Nakar Municipal Police Station, 1st Laguna Provincial Mobile Force Company, Palanan Sub-Station Makati City Police Station, Magsalos Station Intelligence Section Makati CPS, 8nd Special Action Company Rapid Deployment Battalion Special Action Force, at 1st Infantry Battalion Philippine Army, 202nd Brigade.
Naaresto ang suspek sa bisa ng Warrant of Arrest sa kasong Attempted Murder na may rekomendasyong piyansa na Php120,000.
Ang pagkaaresto ng suspek ay patunay na ang PNP ay ginagawa ang lahat ng makakaya upang mapanatili ang kapayapaan at kaayusan ng bansa.
Panulat ni Patrolman Marvin Avila/RPCADU4A
