Nagsagawa ng Community and Service-Oriented Policing System (CSOP) Orientation at MOA Signing ang Gamu PNP sa pangunguna ni Police Major Ricson Cabauatan, Chief of Police na ginanap sa Function Hall, Brgy. District 3, Gamu, Isabela noong Nobyembre 4, 2022.
Dumalo sa aktibidad sina Atty. Manuel Pontanal, Regional Director ng NAPOLCOM RO2; Hon. Timoteo M Galanza, Municipal Mayor, LNB President Hon. Norberto T Labayog, President, Gamu Ministers Association Pastor Wilfredo V De Manzana at mga punong barangay.
Sa pagtalakay ng CSOP, mariing binanggit ni Atty. Pontanal na ang pagsasagawa nito ay hindi magiging matagumpay at maayos kung walang pagkakaisa ng mga lingkod bayan at kailangan ng kapulisan ang suporta mula sa LGU.
Layunin ng aktibidad na ito na maipaliwanag at maisapuso ng bawat lingkod bayan ang katumbas na responsibilidad sa mga nasasakupan at pakikiisa sa pagsugpo ng kriminalidad para sa kapayapaan ng pamayanan.
Source: Gamu PS Isabela
Panulat ni PSSg Jerlyn V Animos
