Bumaba sa 49.6% ang naitalang krimen sa bansa sa loob ng 63-buwan o mula 2016 hanggang 2021 kumpara sa krimeng naitala noong 2010 hanggang 2015.
Ang pagbaba ng crime incident ay dahil rin sa pagbaba ng naitalang Index Crime sa 67.76% simula July 2016 hanggang September 2021.
Ayon kay PNP Chief, Police General Guillermo Lorenzo T. Eleazar, ang mga datos ay batay sa National Crime Environment Report na nakalap mula sa Crime Information Reporting and Analysis System (CIRAS), isang electronic crime analytic tool kung saan pumapasok lahat ng blotter entries at incident reports mula sa lahat ng PNP units at offices sa buong bansa.
Kung ikukumpara ang datos na nakalap ng CIRAS, mula 2.67-milyon crime incidents noong 2010-2015, bumaba ito ng 49.6% sa taong 2016-2021 kung saan nakapagtala lamang ng 1.36-milyon crime incidents.
Naitala ang pinakamababang crime incident sa 53.81% sa Mindanao habang 48.42% sa Luzon at 45.30% naman sa Visayas.
Sa kabuuan, tumaas sa 78.62% ang naresolbang kaso ng PNP o Crime Solution Efficiency (CSE) mula 2016-2021, kumpara sa 40.27% CSE noong 2010-2015.
Ipinaliwanag din ni PGen Eleazar ang pagbaba ng Index Crime sa 67.76%. Mula sa 1.15-milyon Index Crime noong 2010-2015, bumaba ito ng 373,378 sa 2016-2021.
“All these marked improvement in the overall crime picture translate to better security outlook among our people and further adds to upbeat investor confidence that spur economic growth despite the ongoing health crisis,” pahayag ni Eleazar.
####
Article by Police Corporal Josephine T Blanche
