Iligan City – Arestado ang isang crane operator sa kasong paglabag sa RA 9262 sa ikinasang manhunt operation ng Tracker Team ng Iligan City Police Station 4 sa Purok Madasigon, Brgy. Tubod, Iligan City nito lamang Pebrero 10, 2023.
Kinilala ni Police Major Marvin Cajegas, Station Commander ng Iligan City Police Station 4, ang suspek na si alyas “Nestor”, 59, crane operator at residente ng Iligan City.
Ayon kay PMaj Cajegas, naaresto ang suspek sa bisa ng Warrant of Arrest sa kasong paglabag sa RA 9262 o Violence Against Women and their Children Act of 2004.
Ang pagkakahuli sa suspek ay bunga ng puspusang anti-criminality campaign sa Hilagang Mindanao tungo sa isang payapa at ligtas ng pamayanan.
Panulat ni Patrolman Edwin Baris/RPCADU10
