Camp Crame, Quezon City – Magkasabay na idinaos sa buong bansa ang inspection ng mga equipment at logistical readiness test sa lahat ng mga kagamitan ng PNP para sa paghahanda sa paparating na National and Local Elections nitong Abril 27, 2022.
Pinangunahan ni Philippine National Police Chief, Police General Dionardo Carlos, ang naturang aktibidad, na tiniyak ang kahandaan ng mga kagamitan ng ating pambansang pulisya para sa halalan sa darating na Mayo 2022.
Ayon pa kay PGen Carlos, kasalukuyan ng nagpapadala ang PNP ng mga kagamitang pang-transportasyon, pang-seguridad, komunikasyon at iba pang mission-essential equipment, na mahalaga sa pagpapanatili ng kaayusan at kapayapaan sa buong bansa at sa pagtiyak ng pantay at ligtas na halalan 2022.
Samantala, tiniyak din niya na ginagawa ng PNP ang lahat ng mga hakbang para sa mapayapang halalan, aniya, “Twelve days ahead of the elections, all PNP units in the country have been doubling efforts to ensure the safety in the polling centers.”
“We will ensure that enough policemen and women will be deployed on polling precincts to guarantee the safety of the voting public and election officials and enforce minimum health protocols…”, dagdag pa niya.
###
