Pinangunahan ni Police General Rommel Francisco D Marbil, ang Ama ng Pambansang Pulisya ng Pilipinas ang selebrasyon ng ika-72 Anibersaryo ng Criminal Investigation and Detection Group na ginanap sa PNP Multi-Purpose Center, Camp BGen Rafael T Crame, Quezon City nito lamang Enero 20, 2025.
Ang tema ngayong taon ay ” Responsible, Flexible, and Dependable Modern Investigation for Bagong Pilipinas,” na nagbibigay diin sa mahalagang papel ng CIDG sa makabagong pagpapatupad ng batas.
Binigyang parangal ni PGen Marbil ang sakripisyo ng mga miyembro ng CIDG para sa kanilang dedikasyon at katangi-tanging gawa sa pag-aresto sa mga bigating personalidad at pagbuwag sa mga criminal syndicate. “Many have faced life-threatening challenges, with some paying the ultimate price. To them, we owe our deepest gratitude and respect,” ani CPNP.
Binanggit din niya ang dedikasyon ng CIDG sa pagkakaroon ng makabagong ideya, kabilang na dito ang paggamit ng makabagong teknolohiya, modernong pamamaraan ng imbestigasyon, at pinalakas na pakikipagtulungan upang tugunan ang patuloy na umuusbong na banta ng kriminalidad. “This is the essence of Bagong Pilipinas—a police force that is dependable and progressive,” dagdag pa ni CPNP.
