Quezon City – Masusing ininspeksyon ni Philippine National Police Chief Police General Rodolfo S. Azurin, Jr. ang mga pangunahing transport terminal sa Kamaynilaan dalawang araw bago sumapit ang kapaskuhan at bagong taon nito lang Disyembre 23, 2022.
Personal na pinuntahan ng Hepe ng Pambansang Pulisya ang terminal ng bus sa Araneta Center Bus Port at LRT 2 Araneta-Cubao Station sa Quezon City kasama ang District Director ng Quezon City Police District (QCPD) na si Police Brigadier General Nicolas Torre III.
Inaasahan ang matinding pagdagsa ng tao sa mga terminal patungong probinsya bunsod ng nalalapit na bisperas ng kapaskuhan at bagong taon.
Nag-abiso naman ang CPNP sa publiko na panatilihin ang ibayong pag-iingat at manatiling mapagmatyag sa panahon ng kasalukuyang selebrasyon, “As the holiday season approaches, we remind everyone of the importance of staying safe and secure. The holiday season is a time for celebration and spending time with loved ones, but it’s also a time when we need to be extra vigilant to protect ourselves and our communities.”
Samantala, pinaalalahanan naman niya ang lahat ng police commanders patungkol sa operational guidelines at procedures na susundin upang mapanatili ang kaayusan, pagpapatupad ng batas, at pagbibigay ng serbisyo publiko sa komunidad sa panahon ng naturang pagdiriwang.
Panulat ni Pat Noel S Lopez
