Personal na ininspeksyon ni Police General Benjamin C Acorda Jr, Chief, Philippine National Police, ang mga Firecracker Stall sa Bocaue, Bulacan nito lamang Biyernes, ika-29 ng Disyembre 2023.
Kasama sa naturang inspeksyon sina Hon. Daniel Fernando, Governor ng Bulacan at Police Brigadier General Jose Hidalgo Jr, Regional Director ng Police Regional Office 3, kinatawan ng Pyrotechnics Regulatory Board at iba pang kawani ng pamahalaan.
Tiniyak ni PGen Acorda Jr., na sumusunod sa mga safety standards ang mga sellers at manufacturers ng nasabing lugar.
Siniguro din ng PNP na walang ibinibentang ilegal at kontrabando na paputok sa Bocaue, Bulacan.
Kaugnay ito sa Republict Act 7183 o An Act Regulating the Sale, Manufacture, Distribution and Use of Firecrackers and other Pyrotechnic Devices.
Paalala ng Pambansang Pulisya na mananagot ang mga pasaway at lalabag sa ipinatutupad na batas.
Ito ay paghahanda ng Philippine National Police upang tiyaking ligtas at maayos ang bawat mamamayan sa pagsalubong ng Bagong Taon.
Source: Police Regional Office 3
Panulat ni PCpl Jeselle V Rivera
