Sa isang press briefing sa PNP National Headquarters, Camp BGen Rafael T Crame, Quezon City noong Lunes, Enero 22, 2024, ipinaabot ni Police General Benjamin C Acorda Jr., Chief PNP ang kanyang pagbati sa Police Regional Office 7 para sa kanilang pagsisikap sa ika-459 na Fiesta Señor at Sinulog 2024 sa Cebu City na nagbunga sa positibong resulta sa seguridad.
Sa isang pahayag, sinabi ni Police General Acorda Jr. na ang mga kamakailang pagdiriwang ng kapistahan ng Santo Niño sa buong bansa tulad ng Sinulog Festival sa Cebu, “Ati-Atihan” sa Kalibo, Aklan, at “Dalakbayaw” sa Tondo, Maynila ay naging maayos at mapayapa.
Binabati ni CPNP ng buong puso ang mga Regional Directors ng PRO7, PRO6, at National Capital Regional Police Office (NCRPO) at lahat ng tauhan na naitalaga sa mga kaganapang ito, kasama na ang mga kaukulang Ground Commanders at Task Force leaders para sa ipinamalas na makabuluhang liderato.
Idinagdag niya na mananatiling mapagbantay at aktibo ang Philippine National Police sa pagtugon sa mga hamon sa hinaharap at pinasasalamatan ang suporta ng publiko sa kanilang layunin ng mas ligtas na bansa.
Panulat ni Pat Carla Jane B Tanio
