Pinangunahan ni Police General Rommel Francisco D Marbil, Hepe ng Pambansang Pulisya ng Pilipinas ang Send-Off Ceremony for Security and Safety Forces for Nazareno 2025 na isinagawa sa Quirino Grandstand sa Manila nito lamang Enero 6, 2025.
Kasama sa nasabing aktibidad ang Armed Forces of the Philippines (AFP), Metropolitan Manila Development Authority (MMDA), Philippine Coast Guard, Joint Task Force (JTF), Bureau of Fire Protection (BFP), mga Local Government Units (LGUs), religious organizations, at iba pang mga ahensya ng gobyerno.
Layunin ng aktibidad na matiyak ang kaligtasan at seguridad ng milyun milyong deboto na inaasahang lalahok sa taunang prusisyon ng Itim na Nazareno, na isa sa pinakamalaking pagtitipon ng relihiyon sa Pilipinas.
Sa seremonya, sinabi ni PNP Chief Marbil ang kolektibong pagsisikap na kailangan upang matiyak ang isang mapayapa at ligtas na kaganapan. Binigyang diin niya ang kahalagahan ng paglilingkod, propesyonalismo, at paggalang sa pagtupad sa misyon, na lampas lamang sa seguridad.
Binigyang diin din ni PGen Marbil ang pangangailangan para sa malakas na koordinasyon at pakikipagtulungan sa lahat ng mga kasamang partido upang mapagtagumpayan ang tahimik at ligtas na prusisyon, tinitiyak na ang mga deboto ay malayang ipahayag ang kanilang pananampalataya nang walang takot.
Ang pangako ng mga pwersang panseguridad, na ginagabayan ng mga pagpapahalaga sa paglilingkod at proteksyon, ay mag-aambag sa isang ligtas, mapayapa, at di malilimutang Nazareno 2025.
