Muling bumisita ang masigasig na Hepe ng Philippine National Police na si Police General Rommel Francisco D Marbil sa Police Regional Office 11 sa Davao City nito lamang Miyerkules, Setyembre 11, 2024.
Ang pagbisita na ito ay bahagi ng pakikiisa ni PNP Chief sa tagumpay na nakamit ng PNP sa isinagawang operasyon sa KOJC Compound.
Bilang pasasalamat sa libo-libong pulis na matagal nalayo sa kanilang mga pamilya upang magampanan ang kanilang tungkulin sa serbisyo, binigyan ni CPNP Marbil ng limang araw na bakasyon ang mga ito upang bigyang oras naman ang pamilya at makapag-pahinga mula sa dalawang linggo na puspusan na pagtatrabaho.
Nakisalo rin si CPNP Marbil sa isinagawang tradisyunal na boodle fight kasama si Police General Nicolas D Torre III, Regional Director ng Police Regional Office 11.
Nagkaroon rin ng maikling seremonya sa Bantayog ng mga Bayaning Pulis kung saan nag-alay si CPNP Marbil ng bulaklak sa mga nasawing pulis sa serbisyo kabilang na rito ang ama ni RD Torre.
Ang pagbisita ni PGen Marbil ay nagpapatunay sa dedikasyon, suporta, binibigyang halaga nito ang morale at welfare ng kanyang mga tauhan, pagpaparangal sa legasiya ng walang kapantay na naglingkod sa inang bayan.
Panulat ni Patrolwoman Shairra Rose A Aquino
