Ang Cotabato City Police Office (CCPO), sa pamumuno ni PCOL ROMMEL LACONSAY JAVIER, City Director ng CCPO, ay aktibong sumuporta sa programa ng Local Government Unit (LGU) ng Cotabato City na tinaguriang “RESBAKUNA, Kasangga ng Bida”.
Nagsagawa ang LGU ng pagbabakuna sa mga kabataan na may edad na 12-17 taong gulang kasabay na rin ng malawakang pagsasagawa ng “Duterte Legacy: BARANGAYanihan Caravan sa Lungsod.”
Nakiisa ang mga miyembro ng CCPO Medical Reserve Force (MRF) sa iba’t ibang bakuna hubs/sites ng Cotabato City upang dagdagan at suportahan ang Resbakuna Program na isinagawa ng Cotabato City Health Office.
Bukod dito, nagsagawa rin ng pagbibigay impormasyon ang CCPO MRF ukol sa benepisyo sa kalusugan ng pagpapabakuna. Ang mga Miyembro ng MRF ay mga Opisyal ng Pulisya na nagtapos ng kursong medikal at may lisensya upang magsagawa ang mga kasanayang medikal sa publiko.
######
Pinagmulan: Police Corporal Mama, PIS PNCO PRO BAR
Panulat ni NUP Sheena Lyn M Palconite
