Cotabato City – Namahagi ng relief goods ang Cotabato City Police Station 3 sa mga naapektuhan ng bagyong “Paeng” sa Brgy. Tamontaka 1, Cotabato City, noong Nobyembre 13, 2022.
Pinangunahan ni PCpt Joel Albao, Deputy Station Commander, Cotabato City PS3 ang nasabing pamamahagi ng relief goods kasama ang local government unit ng Cotabato City at Barangay LGU ng Tamontaka.
Nasa 100 pamilya ang naging benepisyaryo sa nasabing aktibidad na kung saan ay iba’t ibang grocery items ang kanilang natanggap.
Laking pasasalamat naman ng mga residente ng Tamontaka 1 sa kanilang tulong na natanggap.
Patunay na sa ganitong aktibidad ang PNP ay laging nandyan at handang tumulong para makamit ang kaayusan tungo sa kaunlaran sa rehiyon ng Bangsamoro.
Panulat ni Patrolman Mark Vincent Valencia
