Iba’t ibang pakulo ang isinagawa ng mga tauhan ng Police Regional Office Cordillera sa iba’t ibang lalawigan ng Cordillera at sa lungsod ng Baguio bilang pakikiisa sa pagdiriwang ng Valentine’s Day nito lamang ika-14 ng Pebrero 2023.
Kasabay ng pagpapatupad ng mga pulis ng PNP Checkpoint sa lalawigan ng Abra, Apayao, Ifugao, Mountain Province at Kalinga ay ang pamimigay ng bulaklak at balloons sa mga motoristang dumadaan sa kanilang nasasakupan.
Sa lalawigan ng Benguet ay namigay din ng bulaklak ang Itogon PNP sa mga mag-aaral at guro ng Alejo Pacalso Memorial National High School habang ang Buguias PNP ay bumisita at namigay ng grocery items sa isang vehicular accident survivor sa Tin-apan, Bangao, Buguias, Benguet.
Samantala, sa lungsod naman ng Baguio ay nagbigay ang mga tauhan ng Baguio City Police Office Kennon Police Station ng bulaklak at calling cards na naglalaman ng hotline numbers sa mga motorista.
Ang aktibidad ay isang halimbawa at simpleng paraan ng Cordillera PNP para magbigay ng kasiyahan sa mga mamamayan na kanilang nasasakupan.
