Mt. Province – Handog ng mga miyembro ng Sagada PNP ang isang computer set kabilang na ang printer at refrigerator para sa mga mag-aaral ng Balugan National High School, Balugan, Sagada, Mt. Province nito lamang ika-6 ng Disyembre 2023.
Pinamunuan ni Police Captain Aida Esteban, Acting Chief of Police ng Sagada Municipal Police Station, ang pamamahagi ng mga kagamitan na naging posible dahil ito ay ipinagkaloob ni Police Brigadier General David Peredo Jr., Regional Director ng Police Regional Office Cordillera para sa nasabing paaralan.
Ang pagbibigay ng computer set, printer at refrigerator ay hindi lamang isang pagkilos ng pagmamalasakit kundi isang pagpapakita rin ng suporta sa mga mag-aaral at mga guro.
Ito ay patunay na ang Sagada PNP ay sinisiguro ang kaligtasan ng mga guro, magulang at kabataan sa kanilang nasasakupan upang magkaroon ng isang maunlad na pamayanan.
Source: Provincial Community Affairs and Development Cordillera
Panulat ni Patrolwoman Melanie Amoyong
