Pampanga – Tuloy-tuloy na naghahatid ng serbisyo ang Mabalacat City PNP sa pamamagitan ng Community Outreach Program para sa mga residente ng Sitio Haduan, Brgy. Marcos Village, Mabalacat City, Pampanga nito lamang Biyernes ika-28 ng Abril 2023.
Pinamunuan ito ni Police Lieutenant Colonel Abraham Abayari, Acting Chief of Police ng Mabalacat City Police Station, katuwang ang mga tauhan ng Directorate for Personnel and Records Management (DPRM).
Umabot sa 150 na benepisyaryo ang naabutan ng libreng bigas, tinapay, damit, grocery packs at school supplies para sa mga kabataan.
Labis naman ang tuwa at pasasalamat ng mga residente sa tulong handog mula sa mga awtoridad.
Layunin nito ang maipaabot ang tulong para sa mga mamamayan na lubos na nangangailangan at mapagtibay ang ugnayan ng PNP at komunidad.
Source: Mabalacat City Police Station
Panulat ni Police Corporal Jeselle Rivera/RPCADU3
