Claveria, Misamis Oriental – Isinagawa ng Police Regional Office 10 ang Community Outreach Program, Revitalized PNP KASIMBAYANAN at Tree Planting Activity sa Aposkahoy, Claveria, Misamis Oriental nito lamang Martes, Oktubre 18, 2022.
Ang naturang aktibidad ay pinangunahan ni Police Colonel Henry Dampal, Chief ng Regional Community Affairs and Development Unit 10 sa ilalim ng pamumuno ni Police Brigadier General Lawrence Coop.
Nakiisa rin sa aktibidad ang mga tauhan ng Misamis Oriental Police Provincial Office sa pangunguna ni Police Lieutenant Colonel Estela Chavez, Chief ng Provincial Community Affairs and Development Unit, Claveria Municipal Police Station, Tri-People NACPHIL, Kusgan Volunteers, Department of Agriculture 10, Local Government Unit ng Claveria, Armed Forces of the Philippines at Faith-Based Volunteers.
Nagkaroon ng serbisyong medikal at dental, pamimigay ng food packs, school supplies, libreng gupit at tsinelas.
Nagkaroon din ng information drive tungkol sa Anti-Violence against Women and their Children Act of 2004, Illegal Drugs at Knowing the Enemy, at bukod dito ay mayroon ding mobile library at pa mascot hatid ng Police Regional Office 10.
Nag turn-over din ng 58 rolls ng water hose sa nasabing barangay na magagamit upang magkaroon ng malinis na tubig.
Nagkaroon din ng Tree Planting Activity na kung saan 50 mahogany seedlings ang itinanim.
Ang Revitalized PNP KASIMBAYANAN ay binubuo ng nagkakaisa at nagtutulungang Kapulisan, Simbahan at Pamayanan na may layuning pagyamanin at suportahan ang kasalukuyang PNP Peace and Security Framework na M+K+K=K o ang Malasakit, Kaayusan, Kapayapaan tungo sa Kaunlaran.
Patuloy ang PRO 10 sa paghahatid ng serbisyo sa ating mga kababayan na nangangailangan ng tulong sa ilalim ng pamumuno ni PBGen Coop tungo sa isang mapayapa, tahimik at maunlad na komunidad.
Panulat ni Patrolman Edwin Baris/RPCADU 10
