Nueva Ecija – Naghatid ng serbisyo ang mga tauhan ng Police Regional Office 3 sa pamamagitan ng Community Outreach Program para sa mga residente ng Cuyapo, Nueva Ecija nito lamang Lunes, ika-24 ng Hulyo 2023.
Pinangunahan ito ni Police Brigadier General Jose Santiago Hidalgo Jr., Regional Director ng Police Regional Office 3, kasama ang Regional Community Affairs and Development Division 3 at Cuyapo Municipal Police Station.
Namigay ang Police Regional Office 3 ng libreng bigas, dressed chicken at isda para sa mga piling benepisyaryo ng nasabing lugar.
Umabot sa 600 ang naging benepisyaryo ng naturang aktibidad sa tatlong barangay na sakop ng Cuyapo, Nueva Ecija.
Kaugnay ang naturang aktibidad sa pagdiriwang ng ika-28th Police Community Relations Month na may temang “Serbisyong Nagkakaisa para sa Ligtas at Maunlad na Pamayanan”.
Patuloy ang Central Luzon PNP na magbibigay ng magandang serbisyo at mapagtibay ang ugnayan ng PNP at pamayanan.
Source: Police Regional Office 3
Panulat ni PCpl Jeselle V Rivera
